சப்பாத்தி வறுவல்

தேவையான பொருட்கள் 

• சப்பாத்தி 
• தேங்காய்
• பெரிய வெங்காயம் 
• தக்காளி 
• பச்சை மிளகாய் 
• இஞ்சி-பூண்டு விழுது 
• கறி மசாலா தூள் 
• மிளகாய் தூள் 
• மஞ்சள் தூள்
• சோம்பு 
• உப்பு 
• எண்ணெய் 
• கறிவேப்பிலை 
• கொத்தமல்லி இலை 

செய்முறை

முதலில், நான்கு சப்பாத்தியை பொடியாக வெட்டி எடுத்துக் கொள்ளவும். 

கடாயில், 20 மில்லி எண்ணெய் சேர்த்து எண்ணெய் காய்ந்தவுடன், ஒரு ஸ்பூன் சோம்பு, 1/4 கப் பொடியாக நறுக்கிய பெரிய வெங்காயம், பொடியாக நறுக்கிய இரண்டு பச்சை மிளகாய், சிறிதளவு கறிவேப்பிலை, ஒரு ஸ்பூன் இஞ்சி-பூண்டு விழுது, 1/2 ஸ்பூன் மஞ்சள் தூள் சேர்த்து வதக்கவும். 

வதங்கிய பின், பொடியாக நறுக்கிய ஒரு தக்காளி, 1/2 ஸ்பூன் கறி மசாலா தூள், ஒரு ஸ்பூன் மிளகாய் தூள் சேர்த்து இரண்டு நிமிடம் வதக்கவும். 

பின்னர், 1/4 கப் அரைத்த தேங்காய் சேர்த்து ஐந்து நிமிடம் வதக்கவும். 

இதனுடன், தயார் செய்து வைத்துள்ள சப்பாத்தி, தேவையான அளவு உப்பு சேர்த்து இரண்டு நிமிடம் கிளறவும். 

இறுதியாக, சிறிதளவு கொத்தமல்லி இலை சேர்த்து கலந்து விடவும்.