தேவையான பொருட்கள்
- கம்பு மாவு
- பெரிய வெங்காயம்
- பச்சை மிளகாய்
- பாசிப்பருப்பு
- தேங்காய்
- பெருங்காயத்தூள்
- கடுகு
- உப்பு
- நல்லெண்ணெய்
- கறிவேப்பிலை
- கொத்தமல்லி இலை
செய்முறை
கடாயில், ஐந்து ஸ்பூன் நல்லெண்ணெய் சேர்த்து எண்ணெய் காய்ந்தவுடன், ஒரு ஸ்பூன் கடுகு, இரண்டு ஸ்பூன் பாசிப்பருப்பு, பொடியாக நறுக்கிய நான்கு பச்சை மிளகாய், 1/4 கப் பொடியாக நறுக்கிய பெரிய வெங்காயம், சிறிதளவு கறிவேப்பிலை, 1/4 ஸ்பூன் பெருங்காயத்தூள் சேர்த்து வதக்கவும்.
வதங்கிய பின், ஒரு கப் கம்பு மாவு, 1/4 கப் துருவிய தேங்காய் சேர்த்து ஐந்து நிமிடம் வறுக்கவும்.
ஆறிய பின், தேவையான அளவு உப்பு, பொடியாக நறுக்கிய கொத்தமல்லி இலை சிறிதளவு, தண்ணீர் சேர்த்து உதிரியாக பிசைந்து கொள்ளவும்.
பின்னர், கொழுக்கட்டையாக பிடித்து இட்லி பாத்திரத்தில் வைத்து வேக வைக்கவும்.