சிக்கன் கொத்து கறி

தேவையான பொருட்கள் 

• சிக்கன் 
• பெரிய வெங்காயம் 
• பச்சை மிளகாய் 
• தக்காளி 
• தனியா தூள்
• மிளகாய் தூள் 
• மஞ்சள் தூள்
• மிளகுத்தூள் 
• கறி மசாலா தூள்
• சிக்கன் மசாலா தூள்
• சோம்பு
• இஞ்சி-பூண்டு விழுது 
• உப்பு 
• நல்லெண்ணெய் 
• கறிவேப்பிலை 
• கொத்தமல்லி இலை 

செய்முறை 

கடாயில், 20 மில்லி நல்லெண்ணெய் சேர்த்து எண்ணெய் காய்ந்தவுடன், ஒரு ஸ்பூன் சோம்பு, 1/4 கப் பொடியாக நறுக்கிய பெரிய வெங்காயம், பொடியாக நறுக்கிய நான்கு பச்சை மிளகாய், ஒரு ஸ்பூன் இஞ்சி-பூண்டு விழுது, சிறிதளவு கறிவேப்பிலை சேர்த்து வதக்கவும். 

வதங்கிய பின், பொடியாக நறுக்கிய ஒரு தக்காளி, ஒரு ஸ்பூன் தனியா தூள், ஒரு ஸ்பூன் மிளகாய் தூள், 1/4 ஸ்பூன் கறி மசாலா தூள், 1/4 ஸ்பூன் மஞ்சள் தூள், ஒரு ஸ்பூன் சிக்கன் மசாலா தூள் சேர்த்து வதக்கவும். 

பின்னர், 300 கிராம் சிக்கன் கொத்து கறி, தேவையான அளவு உப்பு சேர்த்து ஐந்து நிமிடம் வதக்கவும். 

மேலும், 1/2 டம்ளர் தண்ணீர் சேர்த்து அடுப்பை மீடியம் ஃப்ளேமில் வைத்து தண்ணீர் சுண்டி வரும் வரை வேக வைக்கவும். 

இறுதியாக, ஒரு ஸ்பூன் மிளகுத்தூள், சிறிதளவு கொத்தமல்லி இலை சேர்த்து கலந்து விட்டு இறக்கவும்.