தேவையான பொருட்கள்
- எலுமிச்சை
- புதினா
- பூண்டு
- சீரகம்
- மிளகு
- கடுகு
- காய்ந்த மிளகாய்
- பெருங்காயத்தூள்
- மஞ்சள் தூள்
- வெந்தயம்
- உப்பு
- எண்ணெய்
- கறிவேப்பிலை
செய்முறை
முதலில், நான்கு பல் பூண்டு, இரண்டு ஸ்பூன் மிளகு, ஒரு ஸ்பூன் சீரகம் நன்கு தட்டி எடுத்துக் கொள்ளவும்.
கடாயில், நான்கு ஸ்பூன் எண்ணெய் சேர்த்து எண்ணெய் காய்ந்தவுடன், 1/2 ஸ்பூன் கடுகு, 1/4 ஸ்பூன் வெந்தயம், ஒரு காய்ந்த மிளகாய், சிறிதளவு கறிவேப்பிலை, ஒரு கைப்பிடி புதினா, தட்டி வைத்துள்ள மிளகு சீரகம் பூண்டு, 1/2 ஸ்பூன் மஞ்சள் தூள் சேர்த்து அடுப்பை மெதுவாக வைத்து நன்கு வதக்கவும்.
வதங்கிய பின், நான்கு ஸ்பூன் எலுமிச்சை சாறு, மூன்று டம்ளர் தண்ணீர், தேவையான அளவு உப்பு சேர்த்து கொதிக்க தொடங்கியவுடன், சிறிதளவு புதினா, 1/4 ஸ்பூன் பெருங்காயத்தூள் சேர்த்து கலந்து விட்டு இறக்கவும்.