தேவையான பொருட்கள்
- தக்காளி
- சின்ன வெங்காயம்
- தயிர்
- பச்சை மிளகாய்
- மஞ்சள் தூள்
- மிளகாய் தூள்
- பெருங்காயத்தூள்
- கடலைப்பருப்பு
- கடுகு
- உப்பு
- எண்ணெய்
- கறிவேப்பிலை
செய்முறை
முதலில், ½ கப் தயிர், ½ கப் தண்ணீர் சேர்த்து நன்கு கலந்து எடுத்துக் கொள்ளவும்.
கடாயில், நான்கு ஸ்பூன் எண்ணெய் சேர்த்து எண்ணெய் காய்ந்தவுடன், ½ ஸ்பூன் கடுகு, சிறிதளவு கறிவேப்பிலை, ஒரு ஸ்பூன் கடலைப்பருப்பு, ஒரு சிட்டிகை பெருங்காயத்தூள், பொடியாக நறுக்கிய நான்கு சின்ன வெங்காயம், இரண்டு பச்சை மிளகாய் சேர்த்து வதக்கவும்.
வதங்கிய பின், பொடியாக நறுக்கிய இரண்டு தக்காளி, ¼ ஸ்பூன் மஞ்சள் தூள், ½ ஸ்பூன் மிளகாய் தூள், தேவையான அளவு உப்பு சேர்த்து வதக்கவும்.
பின், ½ கப் தண்ணீர் சேர்த்து அடுப்பை மெதுவாக வைத்து மூன்று நிமிடம் கொதிக்க வைக்கவும்.
பின்னர், தயிர் சேர்த்து அடுப்பை மெதுவாக வைத்து நன்கு கலந்துவிட்டு கொதிக்க தொடங்கியவுடன் அடுப்பை நிறுத்திவிடவும்.