பாசிப்பருப்பு உருண்டை

தேவையான பொருட்கள்

• பாசிப்பருப்பு
• தேங்காய்
• வெல்லம்
• முந்திரி
• ஏலக்காய்
• மைதா
• உப்பு
• எண்ணெய்

செய்முறை

ஒரு பாத்திரத்தில், ஒரு கப் பாசிப்பருப்பு, இரண்டு கப் தண்ணீர் சேர்த்து வேக வைக்கவும். வேக வைத்துள்ள பாசிப்பருப்பில் இருந்து தண்ணீரை வடித்து எடுத்து விடவும்.

ஒரு கடாயில், 1/2 கப் பொடியாக்கிய வெல்லம், ஒரு கப் துருவிய தேங்காய், 1/4 கப் முந்திரி சேர்த்து சூடாக்கவும்.

இதனுடன் வேக வைத்துள்ள பாசிப்பருப்பை மசித்து சேர்க்கவும். இரண்டு ஏலக்காயை தட்டி சேர்க்கவும்.

தயார் செய்து வைத்துள்ள மாவை சிறிய உருண்டைகளாக பிடிக்கவும்.

ஒரு கப் மைதா, ஒரு சிட்டிகை உப்பு, 1/2 ஸ்பூன் சமையல் சோடா மற்றும் தேவையான அளவு தண்ணீர் சேர்த்து பஜ்ஜி மாவு பதத்திற்கு கரைக்கவும்.

தயார் செய்து வைத்துள்ள உருண்டைகளை அப்படியே சாப்பிடலாம் அல்லது மாவில் போட்டு எண்ணெயில் பொரித்து சாப்பிடலாம்.